თბილისში გარდაიცვალა არქიეპისკოპოსი, რომელიც რომის პაპის დელეგაციაში იყო

გამოწერა
მიუხედავად იმისა, რომ მღვდელმსახური 2 ოქტომბერს გარდაიცვალა, ამის შესახებ მხოლოდ ახლა გახდა ცნობილი. საინფორმაციო საშუალებების ცნობით, სასტუმროს დირექტორს, სადაც შემთხვევა მოხდა, ვატიკანის სპეცსამსახურებმა ინფორმაციის გავრცელება აუკრძალეს.

თბილისი, 24 ოქტომბერი — Sputnik. კანადელი ეპისკოპოსის, ასურელთა ეპარქიის საპატიო ხელმძღვანელის, 77 წლის ჰანნა ზორას ცხედარი თბილისში, სასტუმრო „ჰოლიდეი ინში“ 2 ოქტომბერს აღმოაჩინეს, თუმცა ეს ინფორმაცია მხოლოდ ახლა გავრცელდა.

რომის კათოლიკური ეკლესიის წინამძღოლმა თბილისში მესა ჩაატარა - Sputnik საქართველო
რომის კათოლიკური ეკლესიის წინამძღოლმა თბილისში მესა ჩაატარა

არქიეპისკოპოსი თბილისში 30 სექტემბერს რომის პაპ ფრანცისკის დელეგაციის შემადგენლობაში ჩამოვიდა. ქართული გაზეთი PrimeTime-ის ინფორმაციით, არქიეპისკოპოსს კუჭთან დაკავშირებული პრობლემები ჰქონდა. მას სთხოვდნენ, მგზავრობაზე უარი ეთქვა, თუმცა მან თბილისში ჩამოსვლა მაინც გადაწყვიტა.

თბილისში მესის მიმდინარეობისას, რომელიც რომის პაპმა მიხეილ მესხის სახელობის სტადიონზე 1 ოქტომბერს ჩაატარა, არქიეპისკოპოსი ცუდად გახდა და ის სასტუმროს ნომერში დაბრუნდა. ცხედარი სისხლის გუბეში მეორე დილით აღმოაჩინეს, როდესაც პაპს საქართველო უნდა დაეტოვებინა.

რომის პაპი ფრანცისკემ მესა მიხეილ მესხის სახელობის სტადიონზე ჩაატარა. - Sputnik საქართველო
სიყვარული და რწმენა: ემოციები რომის პაპის საქართველოში ვიზიტის დროს

თავდაპირველად ფაქტი, ვატიკანის უსაფრთხოების სამსახურის თხოვნით, არ გაახმაურეს, მაგრამ სასტუმროს დირექტორი გაზეთთან ინტერვიუში ამბობს, რომ ასეთი აკრძალვა არ ყოფილა.

გარდაცვალების მიზეზი დგინდება. ქართველმა სამართალდამცველებმა ჩაატარეს ექსპერტიზა და ყველა აუცილებელი საგამოძიებო ღონისძიება.

სისხლის სამართლის საქმე აღძრულია მუხლით „თვითმკვლელობამდე მიყვანა“, რომელიც ისჯება თავისუფლების შეზღუდვით 3 წლამდე ვადით ან თავისუფლების აღკვეთით ორიდან ოთხ წლამდე ვადით.

რომის პაპი ფრანცისკი თბილისში 30 სექტემბერს ჩამოვიდა და 2 ოქტომბრამდე იმყოფებოდა.

ყველა ახალი ამბავი
0