თბილისი, 21 ივლისი — Sputnik. აჭარაში 3,7 მაგნიტუდის სიმძლავრის მიწისძვრა მოხდა, ნათქვამია სეისმოლოგიის მონიტორინგის ცენტრის ვებ-გვერდზე გავრცელებულ განცხადებაში.
მიწისქვეშა ბიძგები ადგილობრივი დროით 05:27 საათზე დაფიქსირდა.
მიწისძვრის ეპიცენტრი ქობულეთიდან სამხრეთით 3 კმ-ში, სოფელ კვირიკესთან იყო.
საქართველო საშუალო სეისმური აქტივობის ქვეყანაა. საქართველოში ყველაზე ძლიერი მიწისძვრა, რომლის სიმძლავრეც 7 ბალი იყო, 1991 წელს რაჭაში მოხდა. ეპიცენტრში ბიძგების ინტენსივობა 9 ბალს აღემატებოდა. მიწისძვრამ 200-მდე ადამიანის სიცოცხლე იმსხვერპლა, დაინგრა და დაზიანდა 46 ათასამდე საცხოვრებელი სახლი და ათასამდე საწარმოო ობიექტი.
