თბილისი, 5 დეკემბერი– Sputnik. თბილისის ცენტრში, მაზნიაშვილის ქუჩაზე ორსართულიანი საცხოვრებელი სახლის პირველი სართული და სახურავი დაიწვა, იუწყება საინფორმაციო სააგენტო „ნოვოსტი-გრუზია“ საგანგებო სიტუაციების მართვის სააგენტოს პრეს-სამსახურზე დაყრდნობით.
ცეცხლი 60 კვადრატულ მეტრ ფართობზე გავრცელდა. ადგილზე 6 სახანძრო ბრიგადა მუშაობდა, ამ დროისთვის ხანძარი ლოკალიზებულია.
ხანძრის შედეგად არავინ დაშავებულა. მეხანძრეებმა სახლის მცხოვრებთა ევაკუაცია დროულად მოახდინეს.
აღძრულია სისხლის სამართლის საქმე სსკ-ის მუხლით „ნივთის დაზიანება ან განადგურება გაუფრთხილებლობით“, რაც ისჯება ჯარიმით ან გამასწორებელი სამუშაოებით ერთ წლამდე ვადით, ან თავისუფლების აღკვეთით ორ წლამდე ვადით.
