"გირჩი" სთხოვს საქართველოს პრემიერს მარიხუანას დათესვაში ხელი არ შეუშალოს

© photo: Sputnik / Levan Avlabreliაქცია მარიხუანის ლეგალიზაციის მოთხოვნით
აქცია მარიხუანის ლეგალიზაციის მოთხოვნით - Sputnik საქართველო
გამოწერა
ოპოზიციური პარტია საქართველოს ხელისუფლებისგან 31 დეკემბრამდე მარიხუანას შენახვისა და მოხმარებისათვის სასჯელის შემსუბუქებას ითხოვს. თუ კი მოთხოვნა არ შესრულდება, ოპოზიციონერები ამ დღეს 23:59 საათზე თავის ოფისში მარიხუანას დათესვას და პირდაპირი ეთერით ამის ჩვენებას აპირებენ.

თბილისი, 28 ნოემბერი– Sputnik. “ახალი პოლიტიკური ცენტრის – გირჩის” ლიდერმა ზურაბ ჯაფარიძემ საქართველოს პრემიერ-მინისტრს, გიორგი კვირიკაშვილს მოუწოდა არ დაუშვას იმ ადამიანებზე ზეწოლა, რომლებიც ახალი წლის ღამეს მარიხუანას დათესვის აქციას უნდა შეუერთდნენ.

ოპოზიციური პარტიის წარმომადგენლები მარიხუანას ლაგალიზაციასა და ნარკოტიკების მოხმარებისათვის სისხლის სამართლის სასჯელის გაუქმებას ითხოვენ, წინააღმდეგ შემთხვევაში ახალი წლის ღამეს ოფისში საჯაროდ დათესავენ მარიხუანას. 

მარიხუანა - Sputnik საქართველო
„გირჩელები“ საახალწლოდ მარიხუანის დათესვის პირობას დებენ

"იმ ადამიანების სახელები და გვარები, რომლებიც ჩვენ აქციაში ჩართვისთვის მზად არიან, საჯაროდ არის ცნობილი. პრემიერ-მინისტრს პირადად მინდა მივმართო და ეს მისი პასუხისმგებლობა იქნება, რომ სამართალდამცავი სტრუქტურების მხრიდან მათზე ზეწოლა არ განხორციელდეს",- ბრიფინგზე განაცხადა ჯაფარიძემ.

პარტია ადასტურებს, რომ მარიხუანას დათესვაზე თანხმობა სისხლის სამართლის კოდექსის 265-ე მუხლის ავტომატურ დარღვევას ნიშნავს,  რომელიც ითვალისწინებს თავისუფლების აღკვეთას 6- დან 12 წლამდე. პარტია ასევე განმარტავს, რომ მარიხუანას დათესვა მხოლოდ საქართველოს სრულწლოვან მოქალაქეებს შეუძლიათ. "გირჩთან" ერთად მარიხუანას დასათესად მზად არის 200 კაცი, 640 ადამიანი აქციას მხარს უჭერს.

აქცია მარიხუანის დეკრიმინალიზაციის მოთხოვნით - Sputnik საქართველო
მარიხუანა სკოლის მოსწავლეების 11%-ს აქვს გასინჯული

"კიდევ ერთხელ ვაცხადებთ საქართველოს კანონმდებლობაში ცვლილებების თაობაზე  კონსულტაციების დაწყებისათვის მზადყოფნას", — აღნიშნა ჯაფარძემ.

მარიხუანას და მისი შემცველი პროდუქტების, როგორც სხვა ნარკოტიკული ნივთიერებების მოხმარება, პირველი დაპატიმრების შემთხვევაში ადმინისტრაციულ, ხოლო განმეორებითი დაპატიმრების შემთხვევაში სისხლის სამართლის დანაშაულს წარმოადგენს, რაც ჯარიმით ან გამოსაწორებელი სამუშაოებით ან თავისუფლების აღკვეთას ერთ წლამდე ვადით ითვალისწინებს.

დამოკიდებულების კვლევითი ცენტრის "ალტერნატივა ჯორჯიას" და დაავადებათა კონტროლის ეროვნული ცენტრის მონაცემებით, საქართველოში 4,8 ათასი გამოკიხულიდან მარიხუანა ერთხელ მაინც გასინჯული აქვს 15,9%. საქართველოში მამაკაცებს შორის მარიხუანას მოხმარების ასაკი —19-22 წელია, ქალებს შორის კი — 20-22.  მარიხუანის მომხმარებელ მამაკაცებს შორის მინიმალური ასაკია 12 წელი, ქალებს შორის-17.

ყველა ახალი ამბავი
0