თბილისი, 24 აგვისტო — Sptunik. საქართველო-რუსეთის საზღვარზე, სტეფანწმინდის საბაჟო-გამშვებ პუნქტზე 27 წლის „კანონიერი ქურდი“, წარსულში ნასამართლევი ლ. ბ. დააკავეს, იუწყება საქართველოს შინაგან საქმეთა სამინისტროს პრეს-სამსახური.
გამოძიების ინფორმაციით, ლ. ბ. 2014 წელს აღიარეს ე.წ. კანონიერ ქურდად. მას აქტიური ურთიერთობა ჰქონდა „ქურდული სამყაროს“ წევრებთან და სარგებლის მიღების მიზნით ქურდულ გარჩევებში მონაწილეობდა.
"სამართალდამცველებმა ბრალდებული იმ დროს დააკავეს, როდესაც ის სტეფანწმინდის გამშვები პუნქტის გავლით საქართველოს საზღვრის გადმოკვეთას ცდილობდა", — ნათქვამია განცხადებაში.
გამოძიება ქურდული სამყაროს წევრობის ბრალდებით მიმდინარეობს (საქართველოს სსკ-ს 223-ე პრიმა მუხლის მე-2 ნაწილით).
