ლეგენდარული საცირკო არტისტი ოლეგ პოპოვი გულის შეტევით დონის როსტოვში გარდაიცვალა, სადაც გერმანიიდან გასტროლზე იყო ჩასული. სევდიანი და მხიარული „მზიანი კლოუნი“ – Sputnik-ის ფოტოკადრებში.
ოლეგ პოპოვი 1930 წლის 31 ივლისს დაიბადა. ის მაყურებლისთვის „მზიანი კლოუნი“ იყო – ჟღალი ფერის თმებით, დიდი ზოლებიანი შარვლით, შავ-თეთრი ფერის კუბოკრული კეპი და წითელი ცხვირი — მისი მარადიული იერი. 1951 წელს ოლეგ პოპოვი მოსკოველი მსახიობების ჯგუფში მოხვდა და ქვეყანა გასტროლებით შემოიარა. მისი საცირკო ნომრები დიდი წარმატებითა და მოწონებით სარგებლობდა.
1991 წლიდან ოლეგ პოპოვი გერმანიაში ცხოვრობდა და მოღვაწეობდა, სადაც მეორედ დაქორწინდა კიდეც. ცოლად გერმანელი შეირთო. მან გერმანიაში საკუთარი საცირკო პროგრამა შეიმუშავა. მას შემდეგ რუსეთში ოლეგ პოპოვი პირველად 2015 წელს ჩავიდა.