თბილისი, 9 ოქტომბერი — Sputnik. ზაქარია ფალიაშვილის სახელობის თბილისის ოპერისა და ბალეტის სახელმწიფო განახლებული თეატრის სცენაზე 14 ოქტომბერს დიდი რუსი კომპოზიტორის, პიანისტისა და მუსიკალურ-საზოგადო მოღვაწის დიმიტრი შოსტაკოვიჩის მეათე სიმფონია აჟღერდება.
შოსტაკოვიჩი არის 15 სიმფონიის, ექვსი კონცერტის, სამი ოპერის, სამი ბალეტის, კამერული მუსიკის მრავალი ნაწარმოების, კინოფილმებისთვისა და თეატრალური დადგმებისთვის დაწერილი მუსიკისა ავტორი.
მეათე სიმფონია პირველად ლენინგრადის სიმფონიურმა ორკესტრმა ევგენი მრავინსკის დირიჟორობით 1953 წლის 17 დეკემბერს შეასრულა.
სიმფონია 4-ნაწილიანი: Moderato, Allegro, Allegretto და Andante – Allegro. მისი ხანგრძლივობაა დაახლოებით 52 წუთი.
თბილისში ნაწარმოებს ევგენი მიქელაძის სახელობის თბილისის სიმფონიური ორკესტრი შეასრულებს. უდირიჟორებს არიელ ცუკერმანი ისრაელიდან.
ამავე საღამოს გაიმართება სანდრო ნებიერიძის საფორტეპიანო კონცერტის პრემიერა. ნებიერიძე თხუთმეტი წლის პიანისტი და კომპოზიტორია. არის მრავალი საერთაშორისო კონკურსის ლაურეატი.
თავისი კონცერტი ახალგაზრდა მუსიკოსმა დიდ რუს კომპოზიტორს სერგეი პროკოფიევს მიუძღვნა.
