თბილისი, 26 სექტემბერი — Sputnik. რეფერენდუმი, რომელიც პრეზიდენტის უფლებამოსილების ვადის გაზრდასთან დაკავშირებით აზერბაიჯანის კონსტიტუციაში ცვლილებების შეტანას ითვალისწინებს, შედგა. რეფერენდუმზე ამომრჩევლის 30,6% გამოცხადდა, აღნიშნა ორშაბათს ცესკოს საინფორმაციო ცენტრის დირექტორმა ფარიდ ორუჯევმა.
აზერბაიჯანის საარჩევნო კოდექსის მიხედვით, რეფერენდუმი შემდგარად მიიჩნევა, თუ მასში ამომრჩევლის სულ ცოტა, 25% მიიღებს მონაწილეობას.
„რეფერენდუმზე ამომრჩევლის გამოცხადების მაჩვენებელი 12:00 საათისთვის 30,6% იყო“, — განაცხადა ორუჯევმა პრესკონფერენციაზე.
რეფერენდუმზეა გამოტანილია აზერბაიჯანის კონსტიტუციაში შესწორებების შეტანის საკითხი, რომელიც ითვალისწინებს პრეზიდენტის უფლებამოსილების ვადის ხუთი წლიდან შვიდ წლამდე გაზრდას, ვიცე-პრეზიდენტის თანამდებობის შემოღებას, ასევე, სახელმწიფო მეთაურისა და დეპუტატობის კანდიდატების ასაკობრივი ცენზის შემცირებას.
