თბილისი, 18 ნოემბერი — Sputnik. საქართველო-რუსეთის საზღვრის მიმართულებით გზა გახსნილია მსუბუქი ავტომობილებისთვის, აცნობეს „Sputnik საქართველოს“ საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტში.
„მსუბუქი ავტოტრანსპორტის მოძრაობა თავისუფალია. ერთხიდიანი ავტომობილებისთვის გადაადგილება დასაშვებია მოცურების საწინააღმდეგო ჯაჭვების გამოყენებით, ხოლო ორხიდიანი მანქანებისთვის — ჯაჭვების გარეშე“, — განაცხადა დეპარტამენტის წარმომადგენელმა.
გუდაური-კობის საავტომობილო მონაკვეთზე აკრძალულია მისაბმელიანი, ნახევრადმისაბმელიანი ავტოტრანსპორტის და 30 ადგილზე მეტი ტევადობის ავტობუსების მოძრაობა.