თბილისი, 14 მარტი — Sputnik. რიგაში გამართულ ევროპის ჩემპიონატზე ბერძნულ-რომაული სტილით მოჭიდავე ზურაბ დათუნაშვილმა, რომელიც 75 კგ-მდე წონით კატეგორიაში გამოდიოდა, ოქროს მედალი მოიპოვა, ნათქვამია ტურნირის ოფიციალურ გვერდზე.
ქართველი სპორტსმენი ფინალში სერბეთის ნაკრების წარმომადგენელს ვიქტორ ნემესს შეხვდა. ორთაბრძოლა ანგარიშით 2:2 დასრულდა, თუმცა დამატებითი მაჩვენებლებით გამარჯვება დათუნაშვილს მიაკუთვნეს.
ტურნირის ბოლო დღეს კიდევ ერთი ვერცხლის მედალი რობერტ ქობლიაშვილმა (85 კგ) მოიპოვა. ფინალური ორთაბრძოლა მან უკრაინის წარმომადგენელთან ჟან ბელენიუკთან დათმო ანგარიშით 5:2.
ამრიგად, ქართველმა მოჭიდავეებმა რიგაში გამართულ ევროპის ჩემპიონატზე ბერძნულ-რომაული სტილით ჭიდაობაში ყველა სინჯის თითო მედალი მოიპოვეს. შაბათს, 12 მარტს შმაგი ბოლქვაძემ 66 კგ-მდე წონით კატეგორიაში მესამე ადგილი დაიკავა.
Recap from Day 6 of the European Championships
Posted by United World Wrestling on 2016 წლის 13 მარტი, კვირა
საერთო ჯამში ევროპის ჩემპიონატზე საქართველოს ნაკრებმა 9 მედალი მოიპოვა: ექვსი თავისუფალ ჭიდაობაში და სამი ბერძნულ-რომაულ ჭიდაობაში.
საქართველოს ნაკრების მედლები:
თავისუფალი სტილით ჭიდაობა
ვლადიმერ ხინჩეგაშვილი (61 კგ) — ოქრო
გენო პეტრიაშვილი (125 კგ) — ოქრო
დავით ტლაშაძე (70 კგ) — ვერცხლი
იაკობ მაქარაშვილი (74 კგ) — ბრინჯაო
დავით მარსაგიშვილი (86 კგ) — ბრინჯაო
ელიზბარ ოდიკაძე (97 კგ) — ბრინჯაო
ბერძნულ-რომაული სტილით ჭიდაობა
ზურაბ დათუნაშვილი (75 კგ) — ოქრო
რობერტ ქობლიაშვილი (85 კგ) — ვერცხლი
შმაგი ბოლქვაძე (66 კგ) — ბრინჯაო