თბილისი, 29 თებერვალი — Sputnik. საქართველოს საგარეო საქმეთა მინისტრი მიხეილ ჯანელიძე გაეროს ადამიანის უფლებათა საბჭოს 31-ე სესიაში მიიღებს მონაწილეობას, აღნიშნულია სამინისტროს პრეს–ცენტრის განცხადებაში.
29 თებერვალი 2016, 15:05
გაეროს ადამიანის უფლებათა საბჭოს მორიგი სესია ჟენევაში 29 თებერვალს დაიწყო და 24 მარტს დასრულდება. ჯანელიძე საბჭოს მუშაობაში ორი დღის განმავლობაში მიიღებს მონაწილეობას.
მიხეილ ჯანელიძე სიტყვით გამოვა სხდომაზე, რომელიც 2030 წლამდე გაეროს განვითარების დღის წესრიგს, ასევე ადამიანის უფლებათა დაცვას ეძღვნება. ის ასევე ორმხრივ შეხვედრებს გამართავს უცხოელ კოლეგებთან და გაეროს წარმომადგენლებთან.
2016 წლის იანვრიდან საქართველო გაეროს ადამიანის უფლებათა საბჭოს სრულუფლებიან წევრად აირჩიეს სამი წლის ვადით.
