თბილისი, 29 თებერვალი — Sputnik. ქართული სამზარეულოს გვირგვინი საცივია — ასე მიიჩნევს Sputnik-ის გამოკითხვის მონაწილეთა უმრავლესობა.
საქვეყნოდ სახელგანთქმული ქართული სამზარეულოს ლიდერად გამოკითხულთა 31%-მა საცივი აღიარა — საქართველოში საახალწლო სუფრის ტრადიციული კერძი.
საცივს მცირედ ჩამორჩება ხინკალი — ის საუკეთესო კერძად გამოკითხულთა 29,2%-მა დაასახელა.
გამოკითხულთა 18,8% ქართული ტრადიციული სამზარეულოს გვირგვინად ხაჭაპურს მიიჩნევს, ხოლო 7,2% — ჩაქაფულს.
საიტის მკითხველთა 4%-სთვის ქართული კერძების გვირგვინი მწვადია, ხოლო 3,2%-სთვის — მხალი.
3,2%-მა ქართული სამზარეულოს გვირგვინად ჩახოხბილი დაასახელა, ხოლო 2,9%-მა ხარჩო ამჯობინა.
ქართული სამზარეულოს ბევრი კერძი, მაგალითად შემწვარი წიწილა — ტაბაკა, ხარჩო, ხაჭაპური და სხვა მსოფლიოში კარგად არის ცნობილი და, ფაქტობრივად, ინტერნაციონალურ კერძებად იქცა.
